دہلی میں آج صبح ہلکی بارش

نئی دہلی: قومی دارالحکومت میں پیر کی صبح کالے بادل چھائے رہنے کے ساتھ کئی مقامات پر بارش ہوئی۔

محکمہ موسمیات نے اگرچہ ریڈ الرٹ جاری کیا ہے۔ دہلی-این سی آر کے کچھ حصوں میں ہلکی بوندا باندی سے گرمی سے معمولی راحت ملی ہے۔

محکمہ کے حکام نے کہا کہ روہتک سے ہوتے ہوئے جنوب مشرق کی طرف بڑھ رہے گھنے بادلوں کی وجہ سے دہلی کے زیادہ تر حصوں میں مانسون سے پہلے بارش درج کی گئی۔

موسم کے اس مزاج کے باعث آج دہلی میں 60 سے 70 کلومیٹر فی گھنٹہ کی رفتار سے تیز ہوائیں چلنے کے آثار ہیں، جو بعد میں 80 کلومیٹر فی گھنٹہ تک پہنچ سکتی ہیں۔

بوانا، راجوری گارڈن، پٹیل نگر، صفدرجنگ، لودھی روڈ، بدھ جینتی پارک، راشٹرپتی بھون، راجیو چوک، آئی ٹی او، کالکاجی، تغلق آباد، روہتک، کھرکھودا اور پلول میں گرج چمک اور بجلی گرنے کے ساتھ ہلکی بارش ہونے کے امکان ہیں۔

قومی دارالحکومت میں صبح 10 بجے کچھ علاقوں میں ہلکی بوندا باندی درج کی گئی۔ محکمہ موسمیات کے حکام کے مطابق صبح 5:30 سے 8:30 بجے کے درمیان پالم (1.3 ملی میٹر)، چھترپور (ایک ملی میٹر)، آیا نگر (0.6 ملی میٹر)، پیتم پورہ (0.5 ملی میٹر) اور پوسا (0.5 ملی میٹر) میں ہلکی بارش ہوئی۔

اس بیچ، دہلی کے مرکزی محکمہ موسمیات کے مرکز صفدرجنگ میں کم سے کم درجہ حرارت 28.2 ڈگری سیلسیس درج کیا گیا، جو معمول کے قریب ہے۔