لوک سبھا الیکشن، بی آر ایس کے 4 امیدواروں کے نام کا اعلان

حیدرآباد: تلنگانہ کی اپوزیشن بھارت راشٹرا سمیتی (بی آر ایس) نے پیر کے روز لوک سبھا کے الیکشن کے لئے پارٹی کے 4 امیدواروں کے ناموں کااعلان کیاہے۔

ناما ناگیشور راؤ اور ملاوتھو کویتا کوبالترتیب حلقہ جات لوک سبھا کھمم اورمحبوب آبادسے دوبارہ ٹکٹ دیاگیاہے جبکہ حلقہ لوک سبھا کریم نگر سے بی ونود پارٹی امیدوارہوں گے۔

اسی طرح حلقہ لوک سبھاپداپلی سے سابق ریاستی وزیر کوپلہ ایشور پارٹی ٹکٹ پر مقابلہ کریں گے۔ بی آر ایس کے سربراہ و سابق چیف منسٹر کے چندرشیکھرراؤ نے آج پارٹی کے4 امیدواروں کے ناموں کی پہلی فہرست جاری کی ہے۔

ونودکمار کو2019 کے الیکشن میں حلقہ کریم نگر سے شکست کا سامنا کرنا پڑا تھا۔ بی جے پی نے کریم نگر سے بنڈی سنجے کے نام کا پہلے ہی اعلان کردیاہے۔

سابق ریاستی وزیر کوپلہ ایشور جنہیں حالیہ اسمبلی انتخابات میں شکست ہوئی تھی پدا پلی سے موجودہ ایم پی وینکٹیش نیتا سے مقابلہ کریں گے۔ وہ حالیہ دنوں بی آر ایس سے کانگریس میں شامل ہوئے ہیں۔