لوک سبھا انتخابات: چھٹے مرحلے کے لیے ووٹنگ شروع

نئی دہلی: لوک سبھا انتخابات کے چھٹے مرحلے میں آٹھ ریاستوں اور مرکز کے زیر انتظام علاقوں کی 58 پارلیمانی نشستوں اور اڈیشہ اسمبلی کی تیسرے مرحلے کے لیے 42 نشستوں کے لیے ہفتہ کی صبح 7 بجے ووٹنگ شروع ہو گئی۔

چھٹے مرحلے میں دہلی کی سات سیٹوں سمیت تمام 58 سیٹوں پر صبح 7 بجے سے شام 6 بجے تک ووٹنگ ہوگی۔ کچھ پولنگ اسٹیشنوں میں پولنگ کے اختتامی وقت میں تبدیلی کی جا سکتی ہے۔

چھٹے مرحلے میں جن میں مرکزی وزیر تعلیم دھرمیندر پردھان، سابق مرکزی وزیر مینکا گاندھی، بی جے پی کے ترجمان سمبت پاترا، بھوجپوری فنکار اور رکن پارلیمنٹ منوج تیواری، بھوجپوری گلوکار اور بی جے پی امیدوار نیرہوا، جموں و کشمیر کی سابق وزیر اعلیٰ محبوبہ مفتی اور ہریانہ کے ساق وزیراعلیٰ منوہر لال سمیت کئی مرکزی وزراء کی قسمت کا فیصلہ الیکٹرانک ووٹنگ مشین (ای وی ایم) میں ہوگا۔

اس مرحلے میں 58 لوک سبھا سیٹوں پر 889 امیدوار اپنی قسمت آزما رہے ہیں اور اوڈیشہ اسمبلی کے تیسرے مرحلے کے لیے 42 سیٹوں پر 44 خواتین سمیت 383 امیدوار الیکشن لڑ رہے ہیں۔