لوٹ کا ویڈیو وائرل، کانگریس نے امن و قانون پر طنز کیا (ویڈیو)

بھوپال: سڑک پر چلتی ایک لڑکی کے ساتھ دو موٹر سائیکل سواروں کے ذریعے دن کے وقت لوٹ کا ویڈیو سوشل میڈیا پر وائرل ہونے کے بعد کانگریس کی مدھیہ پردیش اکائی نے امن و قانون کے سلسلے میں حکومت پر طنز کیا ہے۔

یہ ویڈیو ریاست کی صنعتی راجدھانی اندور کا بتایا جا رہا ہے ۔ ویڈیو میں دو نوجوان سڑک پر چلتی ایک لڑکی کے ہاتھ سے موبائل کھینچتے نظر آرہے ہیں۔

خود کو بچانے کی وجہ سے لڑکی سڑک پر گرتی ہوئی بھی دکھائی دے رہی ہے۔

اس معاملے کو لے کر ریاستی کانگریس میڈیا محکمہ کے سربراہ کے کے مشرا نے ٹوئیٹ کرتے ہوئے کہا کہ اندور میں سر راہ لوٹ کی واردات ہو رہی ہیں۔

تین دن پہلے ہی وزیر اعلی شیوراج سنگھ چوہان نے اندورکے امن و قانون کے سلسلے میں میٹنگ کی تھی ۔

باوجود اس کے بڑھتے جرم بتا رہے ہیں کہ مجرم بھی سمجھ چکے ہیں کہ ویژن نہیں ٹیلی ویژن کی ہی تشہیری حکومت ہے۔