مدھیہ پردیش: ووٹ ڈالنے سے پہلے خاتون کی موت

کھرگون: مدھیہ پردیش کے ضلع کھرگون میں ایک پولنگ بوتھ کے اندر ووٹ ڈالنے جا رہی ایک خاتون کی موت ہو گئی۔ سرکاری معلومات کے مطابق، ریٹرننگ آفیسر بھاسکر گاچلے کے مطابق، کھرگون اسمبلی حلقہ کے گاؤں روپکھیڑا کے پولنگ بوتھ پر ووٹ ڈالنے کے لیے آنے والی 53 سالہ خاتون فالج میں مبتلا تھی

 اور اسے ووٹ ڈالنے کے لیے پولنگ اسٹیشن لایا جا رہا تھا۔ وہ قطار میں نہیں تھی۔ پولنگ اسٹیشن کے داخلی دروازے پر اسے چکر آنے پر علاج کے لیے اسپتال لے جایا گیا، جہاں اس کی موت ہو گئی۔