کھیل
مناف پٹیل دہلی کیپٹلس کے بولنگ کوچ مقرر
مناف ہیڈ کوچ ہیمنگ بڈانی اور کرکٹ ڈائریکٹر وینوگوپال راؤ کے ساتھ آئی پی ایل 2025 کے لیے ٹیم کے نئے نظر آنے والے بیک روم اسٹاف میں شامل ہوں گے۔
نئی دہلی: سابق ہندوستانی گیندبازاور ون ڈے ورلڈ کپ جیتنے والی ٹیم کے رکن مناف پٹیل دہلی کیپٹلس (ڈی سی) کے نئے بولنگ کوچ ہوں گے۔
فرنچائز نے منگل کو مناف کو ٹیم کا بولنگ کوچ مقرر کرنے کا اعلان کیا۔ مناف ہیڈ کوچ ہیمنگ بڈانی اور کرکٹ ڈائریکٹر وینوگوپال راؤ کے ساتھ آئی پی ایل 2025 کے لیے ٹیم کے نئے نظر آنے والے بیک روم اسٹاف میں شامل ہوں گے۔ مناف سابق آسٹریلوی آل راؤنڈر جیمز ہوپس کی جگہ لیں گے۔
واضح رہے کہ 2018 میں مسابقتی کرکٹ سے ریٹائر ہونے کے بعد یہ مناف کا پہلا ہائی پروفائل کوچنگ کا عہدہ ہوگا۔ اس کے بعد سے وہ کچھ مقابلوں میں کھیل رہے ہیں۔
ہمیں فالو کریں
