اننت امبانی کی کروڑوں کی گھڑی دیکھ کر مارک زکربرگ کی بیوی بھی دنگ رہ گئیں (ویڈیو وائرل)

نئی دہلی:  فیس بک کے بانی، میٹا کے سی ای او اور دنیا کے امیر ترین شخصیات میں سے ایک مارک زکر برگ اور ان کی اہلیہ مکیش امبانی کے بیٹے اننت امبانی کی کروڑوں ڈالر کی مہنگی گھڑی دیکھ کر حیران رہ گئیں ۔

عالمی شہرت یافتہ بزنس مین اور دنیا کی امیر ترین شخصیات میں سے ایک مکیش امبانی کے بیٹے اننت امبانی کی شادی میں شوبز کی عالمی شخصیات سمیت مائیکروسافٹ کے بانی بل گیٹس اور فیس بک کے بانی مارک زکر برگ نے بھی شرکت کی۔

اننت امبانی کی شادی کی تقریبات کی ویڈیوز سوشل میڈیا پر کافی وائرل ہورہی ہیں جن میں سے ایک ویڈیو میں دیکھا جا سکتا ہے کہ مارک زکر برگ کی بیوی اننت امبانی کی گھڑی دیکھ کر حیران ہوجاتی ہیں اور تعریف کرنے لگتی ہیں۔

سوشل میڈیا میں اس ویڈیو کے چرچے کے بعد ڈیلی میل نے دعویٰ کیا کہ گھڑی میں 8 ہزار قیراط کا سونا اور ہیرے جڑے ہوئے ہیں جبکہ اس گھڑی کی قیمت 10 لاکھ ڈالرز کے لگ بھگ ہے ۔

وائرل ویڈیو میں سنا جا سکتا ہے کہ مارک زکر برگ کی بیوی نے اننت امبانی سے کہتی ہیں کہ آپ کی گھڑی لاجواب اور بہت پیاری ہے جس پر زکر برگ نے کہا کہ بالکل میں بھی اس گھڑی کی تعریف کر چکا ہوں۔

مارک زکر برگ کی اہلیہ پرسکیلا، اننت امبانی سے گھڑی کے برانڈ کا نام پوچھتی ہیں جس پر اننت امبانی نے جواب دیا کہ یہ گھڑی رچرڈ مل کی ہے۔

میٹا کے سی ای او نے اپنی بیوی کی گھڑی میں دلچسپی دیکھتے ہوئے کہا کہ میں گھڑیوں کا شوقین نہیں ہوں لیکن اس گھڑی کی خوبصورتی نے مجھے بھی حیران کردیا ہے۔