تلنگانہ میں بی جے پی کی شکست کے امکانات کا احساس مودی کو ہوگیا:ونود کمار

حیدرآباد: تلنگانہ منصوبہ بندی کمیشن کے نائب صدر ونود کمار نے کہا کہ وزیر اعظم مودی کو احساس ہو گیا ہے کہ ریاست میں بی جے پی کے جیتنے کا کوئی امکان نہیں ہے۔

 اس لیے انہوں نے ورنگل اسمبلی میں ایک بھی نیا اعلان نہیں کیا۔ وزیر اعظم جو اُن ریاستوں کا دورہ کرتے ہوئے ہزاروں کروڑروپئے کے پراجکٹس کا وعدہ کرتے ہیں جہاں پر انتخابات ہونے والے ہیں تاہم گذشتہ روز ضلع ورنگل کے دورہ کے موقع پر انہوں نے ریاست کے عوام کیلئے نیا اعلان کچھ بھی نہیں کیا۔

اس طرح انہوں نے ریاست کے عوام کو مایوس کیا۔انہوں نے کہاکہ وزیراعلی کے چندرشیکھرراو نے اب کی بار کسان کی سرکار کا نعرہ دیاہے۔