ممبئی میں ماہ رمضان میں پانی کی فراہمی میں کٹوتی پر سخت دشواری کاسامنا، مساجدمیں شدید قلت

ممبئی: ممبئی میں ماہ رمضان میں پانی فراہمی میں پندرہ فیصد کی کٹوتی پر مسلمانوں کو سخت دشواری کاسامناکرنا پڑا ہے اور خاص طورپر مساجدمیں شدید قلت پیش آرہی ہے۔

ماہ مقدس میں جیسا کے نمازیوں کی تعداد میں اضافہ ہوجاتاہے اور نماز عصر تک پانی ختم ہونے کا اعلان جاری ہوتا ہے کہ مقتدی وضو گھر سے بنا کر مسجد آئیں۔

میونسپل کارپوریشن نے ماہ رمضان کے بارے میں کوئی غور ہی نہیں کیا اور چمبور ذخیرہ آب تک تھانے سے آنے والی پائپ لائن میں ہوئے لیکج کی مرمت کے لیے کٹوتی کا اعلان کیاتھا۔

واضح رہے کہ بی ایم سی نے پانی کی قلت کی شکایات کے درمیان اعلان کیا ہے کہ شہر کے بعض علاقوں میں جغرافیائی حدود کو مدنظر رکھتے ہوئے پہلے اعلان کردہ 15 فیصد سے زیادہ پانی کی کٹوتی کا سامنا کرنا پڑ سکتا ہے۔

بی ایم سی نے ممبئی والوں سے کہا ہے کہ وہ پانی کو کفایت شعاری سے استعمال کریں کیونکہ اس سرنگ کی مرمت کی جا رہی ہے جو پانی لے جاتی ہے۔

مشرقی ممبئی میں بھانڈوپ کمپلیکس میں ٹریٹمنٹ پلانٹ واقع ہے، تھانے میں بورویل کی کھدائی کے دوران پانی کی سرنگ کو نقصان پہنچا تھا۔

بی ایم سی نے مرمت کے لیے 13 کروڑ روپے خرچ کرنے کا تخمینہ لگایا ہے، جو اس نے کہا ہے کہ وہ اس بلڈر سے وصول کرے گی جس کے کارکنوں نے واگل اسٹیٹ میں ٹنل کو نقصان پہنچایا تھا۔

بھانڈوپ کمپلیکس کو فراہم کیے جانے والے پانی کا تقریباً 75 فیصد حصہ 15 کلومیٹر طویل سرنگ سے ہوتا ہے۔

5,500 ملی میٹر قطر کی پانی کی سرنگ کو 31 مارچ سے لیکیج کو بند کرنے کا کام کرنے کے لیے بند کر دیا گیا تھا، اور 31 مارچ سے شہر بھر میں 30 دن کے لی پیںے پانی کی کٹوتی کا اعلان کیا گیا تھا۔

لیکن مزید قلت دور کرنے کے بجائے بی ایم سی نے مزید کٹوتی کی بات کہی ہے۔ شہریوں کاخیال ہے کہ سرنگ کی مرمت مئی

 میں تعطیلات کے دوران کرنا چاھیئے تھا۔ اس درمیان ماہ رمضان بھی گزر جاتا۔

بتایا جاتا ہے ماہ رمضان کے سلسلہ میں حکام سے کوئی رابطہ نہیں کیاہے۔