حیدرآباد کے ایک شخص کی برطانیہ میں قتل کی واردات

حیدرآباد: شہرحیدرآبادکے مانصاحب ٹینک علاقہ سے تعلق رکھنے والے ایک شخص کی برطانیہ میں قتل کی واردات پیش آئی۔

ان کی شناخت رئیس الدین کے طورپر کی گئی ہے جو 12سال سے برطانیہ میں مقیم تھے۔ان کے قتل کی واردات کامعاملہ تاخیر سے منظرعام پر آیا۔

65سالہ رئیس الدین جلد ہی حیدرآبادمیں بیٹی کی شادی کیلئے آنے والے تھے۔30ستمبر کو ہل ٹاپ ایونیو، لیڈس، یارک شائر میں ان کو چاقو گھونپ دی گئی۔

رئیس الدین اور ایک افغانی باشندہ کو یوگانڈا کے دوقاتلوں نے حملہ کرتے ہوئے قتل کردیا۔پولیس نے ان کو زخمی حالت میں ہیلی کاپٹر کے ذریعہ اسپتال منتقل کیا تاہم علاج کے دوران ان کی موت ہوگئی۔

پولیس نے دوہرے قتل کے معاملہ میں دو افراد کو گرفتارکرلیا۔رئیس الدین کے پسماندگان میں اہلیہ کے علاوہ ایک دختر اور ایک بیٹا شامل ہیں۔