پہاڑی شریف میں نامعلوم خاتون کا قتل

حیدرآباد: شہرحیدرآباد کے علاقہ پہاڑی شریف میں نامعلوم افراد نے خاتون کا قتل کرتے ہوئے اس کی لاش کو تھیلے میں ڈال کرٹھکانے لگانے کی کوشش کی گئی۔یہ واردات کل شب پیش آئی۔

پولیس کے مطابق مقامی افراد نے تُکوگوڑہ کے ہارڈ ویر پارک کے قریب خاتون کی انتہائی مسخ شدہ لاش دیکھی اور پولیس کو چوکس کیا۔پولیس اس اطلاع کے ساتھ ہی وہاں پہنچ گئی جس نے شواہد جمع کئے۔

پولیس نے شبہ ظاہر کیاکہ اس خاتون کا گلا گھونٹ کرقتل کیا گیا اور بعد ازاں حیدرآباد کے نواح میں سنسنان مقام پر اس کی لاش کوٹھکانے لگانے کی کوشش کی گئی۔

پولیس نے شبہ ظاہر کیا کہ تین دن پہلے اس خاتون کا قتل کیاگیا کیونکہ یہ لاش انتہائی مسخ شدہ تھی۔پولیس کی خصوصی ٹیمیں تشکیل دی گئی ہیں تاکہ خاتون کی شناخت کی جاسکے اور قاتلوں کوپکڑاجاسکے۔