مدھیہ پردیش میں اسلامی ورثے کو مٹانے کی نئی مہم۔ 11 مواضعات کے نام تبدیل (ویڈیو)
چیف منسٹر مدھیہ پردیش موہن یادو نے ضلع شاجا پور میں 11 مواضعات کے نام بدلنے کا اعلان کیا ہے جو مسلمانوں کے ناموں کے مماثل ہیں۔
بھوپال: چیف منسٹر مدھیہ پردیش موہن یادو نے ضلع شاجا پور میں 11 مواضعات کے نام بدلنے کا اعلان کیا ہے جو مسلمانوں کے ناموں کے مماثل ہیں۔
اتوار کے روز کالا پیپل تحصیل میں ایک تقریب سے خطاب کرتے ہوئے یادو نے اعلان کیا ”نیپانیاحسام الدین“ کا نام بدل کر نیپانیا دیو رکھا جائے گا۔ ڈھابلاحسین پورکا نام بدل کر م ڈھابلارام رکھا جائے گا، محمد پور پواڑیا کا نام رامپور پواڑیا، کھجوری الٰہ باد کا نام بدل کر کھجوری رام رکھا جائے گا، حاجی پور کا نام ہیرا پور،
محمد پور مچھنائی کا نام موہن پور، رچری مرادآباد کا نام رچری، خلیل پور (گرام پنچایت سیلونڈا) کا نام بدل کر رامپور، انچھوڑ کا نام بدل کر انچاود، گھٹی مختیارپور کانام گھٹی اور شیخ پور بونگی کا نام اودھ پوری رکھا جائے گا۔
جاریہ ماہ کے اوائل میں (5جنوری) یادو نے اعلان کیا تھا کہ ان کے آبائی ضلع اوجین میں باقی تین مواضعات کے نام بھی تبدیل کئے جائیں گے۔ موہن یادو نے کہا کہ بی جے پی حکومتوں نے ٹاونس، شہروں اور ریلوے اسٹیشنوں کے نام تبدیل کئے ہیں جو اسلامی نام یا مسلمانوں کے نام معلوم ہوتے تھے۔
اس مرتبہ مدھیہ پردیش کی حکومت مائیکرو سطح پر چلی گئی ہے اور اس نے مواضعات کو نشانہ بنایا ہے تاکہ مسلمانوں کے مماثل نام تبدیل کئے جاسکیں۔
