تلنگانہ کی آرٹی سی بسوں میں تقریباً 200 کروڑ خواتین نے مفت سفر کیا
واضح رہے کہ تلنگانہ میں کانگریس حکومت کے برسرِ اقتدار آتے ہی خواتین کے لیے مفت بس سروس کا آغاز کیا گیا۔ اس اسکیم کے تحت ریاست کی کسی بھی کونے سے خواتین مفت میں سفر کر سکتی ہیں۔
حیدرآباد: تلنگانہ آر ٹی سی نے ایک اور اہم سنگ میل عبور کیا ہے۔ اب تک تقریباً 200 کروڑ خواتین نے مفت بس سفر کی سہولت سے استفادہ کیا ہے۔ آر ٹی سی کے مطابق خواتین کے مفت سفر کی جملہ مالیت تقریباً 6700 کروڑ روپے تک پہنچ چکی ہے۔
ریاستی حکومت، وزیراعلیٰ ریونت ریڈی کی قیادت میں، اس اسکیم کے لیے فنڈز جاری کر رہی ہے تاکہ اس سہولت کا تسلسل برقرار رہے۔
اس کامیابی کے موقع پر ریاست بھر میں 97 آر ٹی سی ڈیپوز اور 341 بس اسٹیشنوں پر جشن منایا گیا۔ ریاستی وزیر ٹرانسپورٹ پونم پربھاکر نے ان تقاریب کے اہتمام کے لیے خصوصی ہدایات جاری کی ہیں۔
واضح رہے کہ تلنگانہ میں کانگریس حکومت کے برسرِ اقتدار آتے ہی خواتین کے لیے مفت بس سروس کا آغاز کیا گیا۔ اس اسکیم کے تحت ریاست کی کسی بھی کونے سے خواتین مفت میں سفر کر سکتی ہیں۔
بس میں سوار ہوتے وقت صرف آدھار کارڈ دکھانا کافی ہوتا ہے۔ یہ مفت بس سروس تقریباً 18 ماہ سے کامیابی کے ساتھ جاری ہے اور ریاست بھر کی خواتین اس سہولت سے بھرپور استفادہ کر رہی ہیں۔
