نکاح حلالہ‘ سپریم کورٹ نئی بنچ تشکیل دے گی

نئی دہلی: سپریم کورٹ نے جمعہ کے دن کہا کہ وہ مسلمانوں میں 4 شادیاں اور نکاح حلالہ کے رواج کے دستوری جواز کو چیلنج کرتی درخواستوں کی سماعت کے لئے 5 رکنی دستوری بنچ تشکیل دے گی۔

چیف جسٹس ڈی وائی چندرچوڑ اور جسٹس پی ایس نرسمہا پر مشتمل بنچ نے وکیل اشوینی اُپادھیائے کی بات کا نوٹ لیا جنہوں نے اپنی پی آئی ایل (درخواست ِ مفاد ِ عامہ) میں کہا کہ 5 رکنی نئی دستوری بنچ کی تشکیل ضروری ہے کیونکہ سابق بنچ کے 2 ججس جسٹس اندرابنرجی اور جسٹس ہیمنت گپتا ریٹائر ہوچکے ہیں۔