آزاد امیدواروں سے بات چیت کی ضرورت نہیں:کمل ناتھ

بھوپال: مدھیہ پردیش میں کل ووٹوں کی گنتی سے پہلے کانگریس کی ریاستی یونٹ کے صدر اور سابق وزیر اعلیٰ کمل ناتھ نے آج دعویٰ کیا کہ انہیں ریاست کے ووٹروں پر بھروسہ ہے اور کانگریس کو آزاد امیدواروں سے بات چیت کی کوئی ضرورت نہیں ہے۔

مسٹر کمل ناتھ نے یہاں نامہ نگاروں سے بات چیت کے دوران کہا کہ وہ آج کوئی بیان نہیں دیں گے۔ کل اسی وقت صحافیوں سے طویل بات چیت کریں گے۔

س سلسلے میں، انہوں نے کہا کہ انہیں ایگزٹ پول سے کوئی سروکار نہیں، انہیں ووٹرز پر اعتماد ہے۔آزاد امیدواروں کے بارے میں انہوں نے کہا کہ آزاد امیدواروں سے بات کرنے کی کانگریس کو کوئی ضرورت نہیں ہے۔

بھارتیہ جنتا پارٹی پر حملہ کرتے ہوئے انہوں نے کہا کہ اگر بی جے پی کے پاس اتنی سیٹیں ہیں تو پارٹی آزاد امیدواروں سے بات کرنے کا ڈرامہ کیوں کر رہی ہے۔