دہلی

امیر قطر سے وزیراعظم نریندر مودی کی ملاقات

وزیراعظم نریندر مودی نے دُبئی میں جمعہ کے دن COP28 چوٹی کانفرنس کے حاشیہ پر امیر قطر شیخ تمیم بن حمادالثانی سے ملاقات کی۔

نئی دہلی: وزیراعظم نریندر مودی نے دُبئی میں جمعہ کے دن COP28 چوٹی کانفرنس کے حاشیہ پر امیر قطر شیخ تمیم بن حمادالثانی سے ملاقات کی۔

متعلقہ خبریں
الکٹورل بانڈس سے متعلق سپریم کورٹ کا تاریخ ساز فیصلہ: شجاعت علی صوفی
سب کو ساتھ لے کر چلنے والی حکومتیں ضروری : مودی
جمہوریت کیلئے منموہن سنگھ کی خدمات قابل قدر۔ راجیہ سبھا ارکان کی وداعی تقریب
فرانسیسی صدر میکرون 26 جنوری پریڈ میں مہمان خصوصی
دفعہ 370کی برخاستگی، تاریخی فیصلہ: نریندرمودی

دونوں نے باہمی شراکت داری اور تیل کی دولت سے مالامال ملک میں ہندوستانی برادری کی فلاح و بہبود پر تبادلہ خیال کیا۔ یہ ملاقات اہمیت کی حامل ہے کیونکہ 26 اکتوبر کو قطر کی ایک عدالت نے ہندوستانی بحریہ کے 8 سابق ملازمین کو سزائے موت سنائی تھی۔

کہا جاتا ہے کہ حکومت ِ ہند نے اس کے خلاف اپیل دائر کی ہے۔ مودی نے ہفتہ کے دن ایکس پر پوسٹ میں کہا کہ دُبئی میں COP28 چوٹی کانفرنس کے حاشیہ پر مجھے امیر قطر شیخ تمیم بن حمادالثانی سے ملاقات کا موقع ملا۔

ہم نے باہمی شراکت داری کے علاوہ قطر میں ہندوستانی برادری کی فلاح و بہبود پر اچھی گفتگو کی۔

خانگی کمپنی میں کام کرنے والے جن ہندوستانی شہریوں کو جاسوسی کے الزام میں قطر میں سزائے موت سنائی گئی ان کی گرفتاری اگست میں عمل میں آئی تھی۔

نہ تو قطری حکام نے اور نہ ہی نئی دہلی نے ہندوستانی شہریوں پر عائد الزامات کی نوعیت پر کوئی تبصرہ کیا۔