منحرف ارکان کو پنشن نہیں، ہماچل اسمبلی میں بل منظور (ویڈیو)

تلخ مباحث کے بیچ ہماچل پردیش اسمبلی نے چہارشنبہ کے دن ہماچل لیجسلیٹیو (الاؤنس اینڈ پنشن) امینڈمنٹ بل 2024 منظور کرلیا۔ اس بل کی رو سے انسدادِ انحراف قانون کے تحت نااہل قرارپانے والے ارکان ِ اسمبلی کو پنشن فوائد نہیں ملیں گے۔

ناشرمحمد زبیر4 ستمبر 2024 - 23:30

3 minutes read

منحرف ارکان کو پنشن نہیں، ہماچل اسمبلی میں بل منظور — اس اقدام کا مقصد سیاسی وفاداریاں بدلنے والوں کی حوصلہ شکنی کرنا ہے۔

شملہ: تلخ مباحث کے بیچ ہماچل پردیش اسمبلی نے چہارشنبہ کے دن ہماچل لیجسلیٹیو (الاؤنس اینڈ پنشن) امینڈمنٹ بل 2024 منظور کرلیا۔ اس بل کی رو سے انسدادِ انحراف قانون کے تحت نااہل قرارپانے والے ارکان ِ اسمبلی کو پنشن فوائد نہیں ملیں گے۔

اس اقدام کا مقصد سیاسی وفاداریاں بدلنے والوں کی حوصلہ شکنی کرنا ہے۔ چیف منسٹر سکھویندر سنگھ سکھو نے اسمبلی سے خطاب میں اسپیکر کلدیپ سنگھ پٹھانیہ کی ستائش کی کہ انہوں نے انحراف کرنے والوں کے خلاف فیصلہ کن کارروائی کی ہے۔

Shimla, Himachal Pradesh: CM Sukhvinder Singh Sukhu says, "When they came, they cast their vote for the BJP candidate. The vote was cast, and it was done. The next day, a budget related to the common people was to be passed. We took cognizance of this and disqualified them. After… pic.twitter.com/QDoE1eU5HR
— IANS (@ians_india) September 4, 2024

چیف منسٹر نے کہا کہ یہ بل جمہوریت کی اعلیٰ روایتوں کو برقرار رکھتا ہے۔

وہ ہمارے نظام کے اندر بدعنوانی کی روک تھام کرتا ہے۔ انہوں نے کہا کہ کانگریس کے 6 ارکان ِ اسمبلی نے جنہوں نے راجیہ سبھا الیکشن میں کراس ووٹنگ کی تھی‘ کھلے عام پارٹی وہپ کی خلاف ورزی کی۔