فیفا ورلڈ کپ میں پرفارم کریں گی  نورا فتحی

ممبئی: بالی ووڈ اداکارہ اور ڈانسر نورا فتحی فیفا ورلڈ کپ میں پرفارم کریں گی۔

نورا فتحی فیفا ورلڈ کپ میں پرفارم کرنے والی ہیں۔ وہ دسمبر میں فیفا ورلڈ کپ میں پرفارم کریں گی۔ جینیفر لوپیز، شکیرا کے بعد اب نورا، فیفا ورلڈ کپ میں پرفارم کرنے جا رہی ہیں۔ نورا عالمی سطح پر ہندوستان اور خاص طور پر جنوب مشرقی ایشیا کی نمائندگی کرنے والی واحد اداکارہ اور رقاصہ بن گئی ہیں۔

نورا فتحی فیفا میوزک ویڈیو میں شامل ہونے والی اگلی فنکارہ ہیں، جو اس سال کے فیفا میں ڈانس پرفارمنس پیش کرتے ہوئے نظر آئیں گی۔ جس گانے پر نورا پرفارم کریں گی اسے مشہور میوزک پروڈیوسر ریڈآن نے کمپوز کیا ہے جو کہ دنیا کے مشہور ریکارڈ بنانے والوں میں سے ایک ہیں۔

نورا فتحی فیفا کی افتتاحی اور اختتامی دونوں تقاریب میں پرفارم کریں گی۔ بتایا جا رہا ہے کہ نورا اختتامی تقریب میں ہندی کے مشہور گانے پر رقص کرتی نظر آئیں گی۔