انتہاپسند تنظیم جے ایم بی سے روابط، آسام میں ایک شخص گرفتار (ویڈیو)
چیف منسٹر آسام ہیمنت بشوا شرما نے کہا ہے کہ ضلع دھوبری کے کئی ساکنین کے فون نمبرس مبینہ طورپر بنیاد پرست تنظیم جماعت المجاہدین بنگلہ دیش(جے ایم بی) کو بھیجنے پر ایک شخص کو گرفتار کرلیا گیا ہے۔
گوہاٹی (پی ٹی آئی) چیف منسٹر آسام ہیمنت بشوا شرما نے کہا ہے کہ ضلع دھوبری کے کئی ساکنین کے فون نمبرس مبینہ طورپر بنیاد پرست تنظیم جماعت المجاہدین بنگلہ دیش(جے ایم بی) کو بھیجنے پر ایک شخص کو گرفتار کرلیا گیا ہے۔
مذکورہ تنظیم ریاست میں گڑبڑ پیدا کرنے کی کوشش کررہی ہے۔ گرفتار شدہ شخص جو ہندو ستانی شہری ہے‘ اصل درمیان شخص تھا جس نے جے ایم بی کو فون نمبرات فراہم کئے تھے۔
دہشت گرد تنظیم کے ارکان ان افراد کو فون کرتے تھے تاکہ انہیں انتہاپسند بنایا جاسکے۔ چیف منسٹر نے پریس کانفرنس میں یہ بات بتائی۔
.@assampolice has arrested one Ali Hussain Bepari, who was in touch with Bangladesh based fundamentalist groups to destabilise Assam. pic.twitter.com/CpW6FUuNea
— Himanta Biswa Sarma (@himantabiswa) August 27, 2025
گرفتار شخص علی حسین بے پاری کو پہلے بھی گرفتار کیا گیا تھا لیکن وہ ضمانت پر رہا ہوگیا تھا۔ پولیس تحقیقات کے آخری مرحلہ میں ہے اور مزید تفصیلات جلد منظرعام پر لائی جائیں گی۔
