ٹویٹر کے ادائیگی والے صارفین ہی اشتہار کی آمدنی کے اہل: مسک

سان فرانسسکو: امریکی ارب پتی تاجر اور ٹویٹر کے مالک ایلون مسک نے ہفتہ کو کہا کہ اب ایکس کے نام سے جانا جانے والا سوشل نیٹ ورک ٹویٹرکے صارفین اشتہارات سے آمدنی صرف اسی صورت میں حاصل کر سکیں گے جب انہوں نے ایکس بلیو سبسکرپشن کے لیے ادائیگی کی ہو۔ بصورت دیگر رقم کمپنی کے پاس رہے گی۔

مسک نے ٹویٹر پر کہا، ’’آپ کے اشتہار کی آمدنی میں شراکت کے اہل ہونے کے لیے آپ کو ایک ایکس پریمیم (بلیو) کا صارف ہونا چاہیے۔ اگر آپ ایکس پریمیم (بلیو) کسٹمر نہیں ہیں تو اشتہار کی رقم ایکس کے پاس رکھی جائے گی۔” انہوں نے مزید کہا کہ یہ پروگرام تمام صارفین کے لیے دستیاب ہے۔

ایکس بلیو فیچر ایک آپٹ- ان ادا شدہ سبسکرپشن ہے جو سبسکرائبر کے اکاؤنٹ میں ایک بلیو چیک مارک کا اضافہ کرتا ہے۔ نیز لمبی پوسٹس میں ترمیم کرنے اور لکھنے کی صلاحیت سمیت متعدد سہولیات تک رسائی فراہم کرتا ہے۔

غورطلب ہے کہ اکتوبر 2022 کے آخر میں، مسٹر مسک نے 2006 میں قائم ایک امریکی کمپنی ٹویٹر کا 44 ارب ڈالر کا حصول مکمل کیا جس کا صدر دفتر سان فرانسسکو، کیلیفورنیا میں ہے۔

 2006 میں مسک کی طرف سے قائم کردہ ایکس کارپ کے ساتھ انضمام کے نتیجے میں ٹویٹر کارپوریشن کا ایک علیحدہ کمپنی کے طور پر وجود ختم ہو گیا۔

 ٹویٹر کے لوگو کو جولائی کے آخر میں نیلے رنگ کے پرندے سے سیاہ اور سفیدایکس لوگو میں تبدیل کر دیا گیا تھا۔ لوگو کی تبدیلی پر، مسٹر مسک نے کہا کہ نیا لوگو "ہم سب میں موجود خامیوں کی علامت ہے جو ہمیں منفرد بناتی ہیں”۔