آپریشن سندور،تمام محکموں کو چوکس رہنے چیف منسٹر تلنگانہ کی ہدایت

حیدرآباد: ہندوستانی فوج کے آپریشن سندور پرردعمل ظاہرکرتے ہوئے وزیراعلی تلنگانہ ریونت ریڈی نے ردعمل ظاہر کرتے ہوئے کہا کہ اس وقت ہم سب بحیثیت شہری یکجہتی کا مظاہرہ کریں اور ایک پلیٹ فارم پر آئیں۔

 انہوں نے ’جئے ہند‘ کا نعرہ بھی بلند کیا۔ اس سلسلہ میں وزیراعلیٰ نے ’ایکس‘ پر ایک پوسٹ شیئر کی۔’آپریشن سندور‘ کے تناظر میں تمام محکموں کو چوکس رہنے کی ہدایت دی گئی ہے۔

 وزیراعلیٰ خود شام کو ہونے والی تمثیلی مشق کی نگرانی کریں گے۔انہوں نے دوسری جانب، دہلی میں موجود نائب وزیراعلیٰ بھٹی وکرمارکا سے وزیراعلیٰ نے فون پر رابطہ کیا اور فوری طور پر حیدرآباد روانہ ہونے کی ہدایت دی۔