سکینڈ کلاس کے طالبعلم کے والدین نے ٹیچر کی پٹائی کردی، ویڈیو وائرل
طالبعلم کے والد شیولنگم نے کلاس روم سے ہی ٹیچر کا پیچھا کیا اور پھر اسے مارا ، پیٹا۔ یہاں تک کہ وہ ٹیچر پر اینٹ یا پتھر پھینکنے کی کوشش کرتا ہے۔ اس ٹیچر کو گھبرائے ہوئے اور مدد کیلئے چیختے ہوئے سناگیا جب طالبعلم کے والدین اس کے ساتھ مارپیٹ کررہے تھے۔
چینائی: ٹاملناڈو کے ایک اسکول میں سکینڈ کلاس کے طالبعلم کے والدین کو مبینہ طورپر ایک ٹیچر کی پٹائی کرنے کے الزام میں گرفتار کرلیا گیاہے۔ والدین نے مبینہ طورپر بچے کو مارنے کا الزام لگاتے ہوئے ٹیچر پر حملہ کردیا۔
ٹیچر نے الزامات کی تردید کی ہے۔ یہ واقعہ ٹاملناڈو کے توتیکورن ضلع میں ایک سرکاری امداد یافتہ اسکول میں پیش آیا۔ ٹیچر کی شناخت آر بھرت کے طورپر ی گئی ہے۔
تین منٹ طویل ویڈیو میں، بچے کے ماں باپ کو کلاس روم میں گھستے اور اپنے بچے کو مبینہ طورپر مارنے کے الزام میں ٹیچر سے بحث کرتے ہوئے دیکھا جاسکتا ہے۔ ماں سیلوی کا کہنا ہے کہ بچے کو مارنا غیر قانونی ہے۔ سیلوی کہتی ہیں کہ بچے کو مارنا غیر قانونی ہے۔ تمیں یہ حق کس نے دیا؟ میں تمہیں اپنے چپلوں سے ماروں گی۔
کلاس میں موجود دوسرے بچے اس واقعہ کو دیکھ کر حیرت زدہ ہوجاتے ہیں۔ طالبعلم کے والد شیولنگم نے کلاس روم سے ہی ٹیچر کا پیچھا کیا اور پھر اسے مارا ، پیٹا۔ یہاں تک کہ وہ ٹیچر پر اینٹ یا پتھر پھینکنے کی کوشش کرتا ہے۔ اس ٹیچر کو گھبرائے ہوئے اور مدد کیلئے چیختے ہوئے سناگیا جب طالبعلم کے والدین اس کے ساتھ مارپیٹ کررہے تھے۔
پولیس نے طالبعلم کے ماں باپ اور بچے کے دادا منسوامی کو بھی گرفتار کرلیا ہے۔ پولیس سپرٹنڈنٹ ڈاکٹر ایل بالاجی سراوانن نے کہاکہ ہمنے ان پر حملہ مجرمانہ دھمکیاں، سازش اور ایک سرکاری ملازم کو اپنی ڈیوٹی انجام دینے سے روکنے کا مقدمہ درج کیا ہے۔ پولیس کا کہنا ہے کہ معاملہ کی تفتیش کی جارہی ہے۔
