تلنگانہ کے عوام کو چندرشیکھرراو کے خاندان سے آزادی مل گئی: گوپال ریڈی

حیدرآباد: تلنگانہ کانگریس لیڈرکومٹ ریڈی راج گوپال ریڈی نے واضح کیا ہے کہ تلنگانہ کے عوام کو چندرشیکھرراو کے خاندان سے آزادی مل گئی۔

انہوں نے میڈیا سے بات کرتے ہوئے کہاکہ سابق حکومت کی جانب سے تلنگانہ کے غریب خاندانوں سے انصاف کو یقینی نہیں بنایاگیاجو افسوسناک ہے۔

انہوں نے زوردیتے ہوئے کہاکہ تلنگانہ میں جمہوریت کا احیا کیاگیا ہے۔انہوں نے ریونت ریڈی کی حکومت کو عوامی اور غریبوں کی حکومت سے تعبیر کیا اور کہاکہ غریبوں کی حکمرانی کا ریاست میں آغاز ہونے جارہا ہے۔

کانگریس غریبوں کی پارٹی ہے۔اس حکومت میں تمام طبقات کے عوام کے ساتھ انصاف کو یقینی بنایاجائے گا۔ ایمانداری اور شفافیت کے ساتھ حکومت چلائی جائے گی۔

آنے والے دنوں میں تلنگانہ کو تمام شعبہ جات میں ترقی دلائی جائے گی۔انہوں نے کہا کہ کانگریس کی 6ضمانتوں پر بھی یقینی طورپر عمل کیاجائے گا۔