فون ٹیپنگ معاملہ ،بیان ریکارٖڈ کرنے کی کارروائی ملتوی کرنے بنڈی سنجے کی اپیل

حیدرآباد: فون ٹیپنگ معاملہ میں جاری تحقیقات کے سلسلہ میں مرکزی مملکتی وزیرداخلہ بنڈی سنجے کمار نے تلنگانہ کی اسپیشل انویسٹیگیشن ٹیم سے اپیل کی ہے کہ ان کا بیان ریکارڈ کرنے کی کارروائی کو کچھ وقت کے لیے ملتوی کیا جائے۔

وزیر نے ایک مکتوب روانہ کرتے ہوئے کہا کہ وہ پیر اور منگل کو پارلیمنٹ میں ہونے والی "آپریشن سندور” پر بحث کے باعث اجلاس میں شرکت کے لیے دہلی میں موجود رہیں گے، لہٰذا وہ طے شدہ شیڈول کے مطابق کل حیدرآباد میں ایجنسی کے سامنے پیش نہیں ہو سکیں گے۔

انہوں نے اس مکتوب میں مزید کہا کہ وہ جلد ہی ایک نئی تاریخ کا اعلان کریں گے جس پر وہ تحقیقات میں شامل ہونے کے لیے دستیاب ہوں گے۔

یہ بات قابلِ ذکر ہے کہ فون ٹیپنگ معاملے میں کئی اہم شخصیات سے پوچھ گچھ کی جا رہی ہے اور یہ معاملہ تلنگانہ کی سیاست میں ایک حساس موضوع بنا ہوا ہے۔