وزیراعظم مودی نے تلنگانہ کے سنگاریڈی میں مختلف پروجیکٹوں کا آغاز کیا

حیدرآباد: وزیراعظم نریندر مودی نے تلنگانہ کے رنگا ریڈی میں مختلف پروجکٹوں کا افتتاح کرتے ہوئے آج کہا کہ گزشتہ 10 برسوں سے مرکزی حکومت تلنگانہ کو ترقی کی نئی بلندیوں پر لے جانے کے لیے مسلسل کام کر رہی ہے۔

 وزیراعظم نے کہا کہ اس مہم کے تحت وہ آج مسلسل دوسرے دن آپ کے درمیان تلنگانہ میں ہیں۔ کل عادل آباد سے انہوں نے تلنگانہ اور ملک کے لیے تقریباً 56 ہزار کروڑ روپے کے ترقیاتی پروجیکٹوں کا آغاز کیا۔

مودی نے کہا کہ آج انہیں سنگاریڈی سے تقریباً 7 ہزار کروڑ روپے کے پروجیکٹوں کا افتتاح اور سنگ بنیاد رکھنے کا موقع ملا ہے۔ ان میں ہائی ویز، ریلوے اور ایئر ویز سے متعلق جدید بنیادی ڈھانچے کے کام بھی شامل ہیں۔ ان میں پٹرولیم سے متعلق منصوبے بھی ہیں۔

 کل بھی جن ترقیاتی کاموں سے تلنگانہ کو فائدہ ہوا تھا،وہ توانائی اور ماحولیات سے لے کر بنیادی ڈھانچے تک مختلف شعبوں سے متعلق تھے۔ میں وہ جذبے کی قدر کرتےہیں –

 ریاست کی ترقی سے ملک کی ترقی، یہی ہمارا کام کرنے کا طریقہ ہے اور اسی عزم کے ساتھ مرکزی حکومت بھی تلنگانہ کی خدمت کر رہی ہے۔ آج اس موقع پر وہ آپ سب کو اور تمام تلنگانہ کے عوام کو ان تمام ترقیاتی کاموں کے لیے مبارکباد پیش کرتے ہیں۔

وزیراعظم نے کہا کہ آج تلنگانہ کو ہوا بازی کے شعبے میں ایک بہت بڑا تحفہ ملا ہے۔ سول ایوی ایشن ریسرچ آرگنائزیشن یعنی ‘سی اے آراو’حیدرآباد کے بیگم پیٹ ہوائی اڈے پر قائم کیا گیا ہے۔ یہ ملک میں اپنی نوعیت کا پہلا ایوی ایشن سنٹر ہو گا، جو اس طرح کے جدید معیار پر بنایا گیا ہے۔ اس مرکز سے حیدرآباد اور تلنگانہ کو ایک نئی شناخت ملے گی۔

 اس سے ہوا بازی کے شعبے میں تلنگانہ کے نوجوانوں کے لیے نئی راہیں کھلیں گی۔ یہ ملک میں ایوی ایشن اسٹارٹ اپس کو تحقیق اور مہارت کی ترقی کے لیے ایک پلیٹ فارم اور ایک مضبوط بنیاد فراہم کرے گا۔ آج جس طرح سے ہوا بازی کا شعبہ ہندوستان میں نئے ریکارڈ بنا رہا ہے، جس طرح سے گزشتہ 10برسوں میں ملک میں ہوائی اڈوں کی تعداد دوگنی ہوئی ہے، جس طرح سے اس شعبے میں روزگار کے نئے مواقع پیدا ہو رہے ہیں، ان سبھی امکانات کو وسیع کرنے میں حیدرآبادکا یہ جدیدمقام اہم رول نبھائے گا۔

مودی نے کہا کہ آج ملک کے 140 کروڑ عوام ایک ترقی یافتہ ہندوستان کی تعمیر کے لیے پرعزم ہیں اور ایک ترقی یافتہ ہندوستان کے لیے جدیدبنیادی ڈھانچے کا ہونا بھی اتنا ہی ضروری ہے۔ اسی لیے اس سال کے بجٹ میں ہم نے بنیادی ڈھانچے کے لیے 11 لاکھ کروڑ روپے دیئے ہیں۔

ہماری کوشش ہے کہ تلنگانہ کو اس کا زیادہ سے زیادہ فائدہ ملے۔ آج، قومی شاہراہ اندور-حیدرآباد اقتصادی راہداری کے ایک اہم حصے کے طور پر پھیل گئی ہےکنڈی ‘-رامسن پلے’ یہ حصہ عوام کی خدمت کے لیے وقف کیا گیا ہے۔ اسی طرح یہ سیکشن ‘میریال گوڈا کوداد’ بھی مکمل ہو چکا ہے۔

 اس سے تلنگانہ اور آندھرا پردیش کے درمیان لوگوں کی نقل و حرکت میں آسانی ہوگی۔ سیمنٹ اور زراعت سے متعلق صنعتیں بھی اس سے مستفید ہوں گی۔ آج یہاں سنگاریڈی سے مدینا گوڈا کو جوڑنے والی قومی شاہراہ کا سنگ بنیاد بھی رکھا گیا ہے۔

 جب یہ مکمل ہو جائے گا تو تلنگانہ، کرناٹک اور مہاراشٹر کے درمیان رابطے میں مزید بہتری آئے گی۔ 1300 کروڑ روپے کی لاگت کا یہ پروجیکٹ پورے خطے کی اقتصادی ترقی کو تقویت دے گا۔

وزیراعظم نے کہا کہ تلنگانہ کو جنوبی ہند کا گیٹ وے کہا جاتا ہے۔ تلنگانہ میں ریلوے کی سہولیات کو بہتر بنانے کے لیے برق کاری اور ڈبلنگ کا کام بھی تیز رفتاری سے جاری ہے۔ ڈبلنگ اور برق کاری کے ساتھ ساتھ سنت نگر مولا علی روٹ پر 6 نئے اسٹیشن بھی بنائے گئے ہیں۔ آج گھٹکیسر-لنگم پلی’ کے درمیان ایم ایم ٹی ایس ٹرین سروس کو بھی مسٹر مودی نے جھنڈی دکھا کر یہاں سے روانہ کیا ہے۔

اس کے آغاز سے اب حیدرآباد اور سکندرآباد کے کئی اور علاقے آپس میں جڑ جائیں گے۔ اس سے دونوں شہروں کے درمیان ٹرین کے مسافروں کو بڑی سہولت ہو گی۔

نریندر مودی نے کہا کہ آج انہیں پارا دیپ-حیدرآباد پائپ لائن پروجیکٹ کو ملک کے نام وقف کرنے کا شرف حاصل ہوا ہے۔ اس سے پٹرولیم مصنوعات کی محفوظ اور کم لاگت سے نقل و حمل میں سہولت ہوگی۔

 یہ منصوبہ پائیدار ترقی کے لیے ہمارے عزم کو مضبوط کرے گا۔ آنے والے وقت میں ہم ترقی یافتہ تلنگانہ سے ترقی یافتہ ہندوستان تک اس مہم کو مزید رفتار دیں گے۔

وزیراعظم نے کہا کہ اس چھوٹے سے سرکاری پروگرام کو یہاں مکمل کیا جا رہا ہے۔ وہ آس پاس کے لوگوں کے پاس جائیں گے اور وہاں بھی لوگ ان موضوعات کے بارے میں بہت کچھ سننا چاہتے ہیں۔ وہ 10 منٹ کے بعد جلسہ عام میں کچھ چیزیں تفصیل سے پیش کریں گے ، لیکن فی الحال اتنا ہی ہے اور وہ آپ سب کے لیے نیک خواہشات کا اظہار کرتے ہیں۔

تلنگانہ کی گورنر تملائی سے سوندرراجن ، وزارتی کونسل کے رکن کشن ریڈی ، تلنگانہ حکومت کے وزیر کونڈا سریکھا ، کے وینکٹ ریڈی ، رکن پارلیمنٹ ڈاکٹر کے لکشمن اور دیگر اہم شخصیات اس موقع پر موجود تھیں ۔