تلنگانہ کے بیشتر اضلاع میں بارش کاامکان

حیدرآباد: تلنگانہ کے اضلاع کے بعض مقامات پر آئندہ 24گھنٹوں کے دوران گرج چمک کے ساتھ بارش کا امکان ہے۔

ان اضلاع میں عادل آباد، آصف آباد، منچریال، نظام آباد، جگتیال، راجنا سرسلہ،کریم نگر، پداپلی، جئے شنکر بھوپال پلی، ملگ، بھدرادری کوتہ گوڑم، کھمم، نلگنڈہ، سوریاپیٹ، محبوب آباد، ورنگل اورہنمکنڈہ شامل ہیں۔

رنگاریڈی، حیدرآباد، میڑچل ملکاجگری، وقارآباد، سنگاریڈی، میدک، اور کاماریڈی میں بھی کہیں کہیں بارش کاامکان ہے۔

محکمہ موسمیات نے کہا کہ اگلے سات دنوں میں تلنگانہ کے کئی مقامات پر ہلکی تااوسط بارش کاامکان ہے۔رپورٹ میں کہا گیا کہ گزشتہ 24 گھنٹوں میں ریاست کے بعض مقامات پر بارش ریکارڈ کی گئی۔