بی جے پی لیڈر سنتوش کے لاپتہ ہونے کے حیدرآباد میں پوسٹرس

حیدرآباد: شہرحیدرآباد کے مختلف علاقوں میں دیواروں پر پوسٹرس لگائے گئے ہیں جس میں کہاگیا ہے کہ بی جے پی لیڈربی ایل سنتوش لاپتہ ہیں۔ان پوسٹرز میں تلگو زبان میں لکھاگیا ہے کہ ایم ایل اے کی خریداری کا ماسٹرمائنڈ نظر نہیں آرہا ہے۔

اس کو پکڑنے والوں کے لیے 15 لاکھ روپے کا انعام۔ شہر ی ان پوسٹرس کو کافی دلچسپی سے دیکھ رہے ہیں۔ان پوسٹرس میں بی آرایس ایم ایل سی کویتا اور سنتوش کے تعلق سے رویہ کو واضح کیاگیا ہے۔

اس میں کہاگیا کہ کویتا، مرکزی ایجنسی کے سامنے حاضرہورہی ہیں جبکہ سنتوش، دو مرتبہ نوٹس بھیجے جانے کے باوجود ارکان اسمبلی کی خریداری کے معاملہ میں تشکیل دی گئی خصوصی جانچ ٹیم کے سامنے حاضر ہونے سے قاصررہے۔اس نوٹسوں پر روک لگانے کیلئے وہ عدالت سے بھی رجوع ہوئے۔