پانچویں شادی کی تیاری ،تلنگانہ کے سوریاپیٹ ضلع میں ایک ہیڈ کانسٹبل کی کرتوتیں بے نقاب
یہ معاملہ اس وقت سامنے آیا جب وہ ایک اور نابالغ لڑکی سے شادی کرنے کی تیاری کر رہا تھا اور متاثرہ لڑکی نے چائلڈ لائن حکام سے شکایت کر دی۔ تحقیقات میں معلوم ہوا کہ ملزم ماضی میں ریت کے غیر قانونی کاروبار میں بھی سرگرم تھا، اور تقریباً تین ماہ قبل ہی اس کا تبادلہ نڈی گوڑم پولیس اسٹیشن میں کیا گیا تھا۔
حیدرآباد: تلنگانہ کے سوریاپیٹ ضلع میں ایک ہیڈ کانسٹبل کی کرتوتیں بے نقاب ہو گئیں، جو ’’ہمیشہ کا دولہا‘‘ بن کر اب تک چار شادیاں کر چکا تھا اور پانچویں شادی کی تیاری میں تھا۔
اطلاعات کے مطابق، نڈی گوڑم پولیس اسٹیشن میں تعینات کانسٹبل کرشنم راجو نے ماضی میں تین خواتین کے علاوہ ایک نابالغ لڑکی سے بھی شادی کی تھی۔
یہ معاملہ اس وقت سامنے آیا جب وہ ایک اور نابالغ لڑکی سے شادی کرنے کی تیاری کر رہا تھا اور متاثرہ لڑکی نے چائلڈ لائن حکام سے شکایت کر دی۔ تحقیقات میں معلوم ہوا کہ ملزم ماضی میں ریت کے غیر قانونی کاروبار میں بھی سرگرم تھا، اور تقریباً تین ماہ قبل ہی اس کا تبادلہ نڈی گوڑم پولیس اسٹیشن میں کیا گیا تھا۔
ضلع کے ایس پی نرسمہا نے معاملے کا سنجیدگی سے نوٹس لیتے ہوئے متعلقہ حکام کو کانسٹبل کرشنم راجو کے خلاف فوری انکوائری شروع کرنے کی ہدایت دی ہے۔
