صدراردغان نے ایران سے ملحقہ سرحدی چوکی پر فوجیوں کو عید کی مبارکباد دی

انقرہ: ترکیہ کے صدر رجب طیب اردغان نے ایرانی سرحدوں سے ملحقہ تندوریک فوجی اڈے پر متعین جنڈارمیری قوتوں کو عیدقربان کی مبارکباد دی۔ وزیر داخلہ علی یرلی قایا نے وان کے دورے کے دائرہ کار میں تندوریک فوجی اڈے پر جنڈار میری دستے سے ملاقات کی۔

فوجی اڈے پر تعینات فوجیوں سے کچھ مدت تک گفتگو کرنے والے یرلی قایا نے ٹیلی فون پر صدر ایردوان کو اس دورے کے حوالے سے آگاہی کرائی اور عید کی مبارکباد پیش کی۔

صدر اردغان نے بھی یرلی قایا کے ٹیلی فون کے ذریعے فوجی جوانوں سے مخاطب ہوتے ہوئے کہا کہ "وہاں پر اس فوجی اڈے کا قیام ہماری دہشت گردی کے خلاف جدوجہد میں مزید کامیابیوں سے ہمکنار کرے گا۔ آپ لوگ اس کامیابی کا وسیلہ ثابت ہوں گے۔ "