بلدی الیکشن میں اچھی کارکردگی کا مظاہرہ نہ کرنے پر ایم ایل ایز کو صدر ٹی پی سی سی کا انتباہ

حیدرآباد: صدر ٹی پی سی سی مہیش کمار گوڑ نے کانگریس ایم ایل ایز کو خبردار کیا ہے کہ اگر وہ بلدیاتی انتخابات میں اچھی کارکردگی نہیں دکھاتے ہیں تو انہیں آیندہ اسمبلی انتخابات میں انہیں ٹکٹ نہیں ملے گا۔

انہوں نے کہا کہ ایم ایل ایز اس بات کو یقینی بنائیں کہ پارٹی کو ان کے حلقوں میں بلدیاتی انتخابات میں اچھے نتائج حاصل ہوں۔ مہش کمار گوڑ نے کانگریس قائدین کو، جنہیں عہدہ ملا ہے، خلوص نیت سے کام کرنے کا مشورہ دیا۔

انہوں نے کہا کہ تمام قائدین و سرکاری اسکیمس کو عوام تک لے جانا ہے۔ بتایا جا رہا ہے کہ اضلاع سے تعلق رکھنے والے پارٹی قائدین نے بتایا کہ افسران ان کی بات نہیں سن رہے ہیں۔

عہدیدار اب بھی بی آر ایس قائدین کا احترام کرتے ہیں جو حال ہی میں کانگریس میں شامل ہوئے ہیں اور کانگریس قائدین کو نظر انداز کررہے ہیں۔

پارٹی قائدین نے الزام لگایا کہ انہیں سرکاری پروگرامس میں مدعو نہیں کیا جا رہا ہیں انہیں دعوت نامے نہیں مل رہے ہیں اور حال ہی میں کانگریس میں شامل ہونے والے بی آر ایس لیڈروں کو اولین ترجیح دی جا رہی ہے۔