وزیراعظم مودی نے آسٹریلیا کی سرکردہ کمپنیوں کے سی ای او سے ملاقات کی
ترجمان نے کہا کہ مودی نے آسٹریلین سوپر کو ہندوستان کی ترقی کی کہانی میں معاون بننے کی دعوت دی ہے۔
نئی دہلی/سڈنی: وزیر اعظم نریندر مودی نے منگل کے روز سڈنی میں آسٹریلیا کی سرکردہ کمپنیوں کے سی ای او سے ملاقات کی اور ان کے ساتھ ہندوستانی کمپنیوں کے ساتھ تعاون اور ہندوستان میں سرمایہ کاری کے مواقع پر تبادلہ خیال کیا۔
مودی نے فورٹسکیو میٹلز گروپ اور فورٹسکیو فیوچر انڈسٹریز کے ایگزیکٹو چیئرمین اور بانی ڈاکٹر اینڈریو فورسٹ، آسٹریلین سپر کے سی ای او پال شروڈر اور ہینکاک پراسپیکٹنگ گروپ، رائے ہل اور ایس کے کڈمین اینڈ کمپنی کی چیئر پرسن جارجینا ہوپ رائن ہارٹ اے او سے ملاقات کی۔
وزارت خارجہ کے ترجمان ارندم باغچی نے ٹویٹ کیا، "اس میٹنگ کا مقصد ہندوستان-آسٹریلیا گرین پارٹنرشپ کو فروغ دینا ہے۔”
دونوں لیڈروں نے ہندوستانی کمپنیوں کے لئے قابل تجدید توانائی کے شعبے میں خاص طور پر ہندوستان کے گرین ہائیڈروجن مشن کے تحت فورٹسکیو کے ساتھ شراکت کے مواقع پر تبادلہ خیال کیا۔ ترجمان نے کہا کہ مسٹر مودی نے آسٹریلین سوپر کو ہندوستان کی ترقی کی کہانی میں معاون بننے کی دعوت دی ہے۔
