وزیراعظم مودی کا 2روزہ دورہ تلنگانہ

حیدرآباد: وزیر اعظم نریندر مودی کے دورہ تلنگانہ کے شیڈول کو حتمی شکل دے دی گئی ہے۔ وزیر اعظم مودی 4 اور 5 مارچ کو دو دن کے لیے ریاست کا دورہ کریں گے۔وہ 4 مارچ کو خصوصی طیارہ سے حیدرآباد پہنچیں گے جہاں سے وہ سیدھے عادل آباد ضلع کے لئے روانہ ہوجائیں گے۔ مودی وہاں کئی ترقیاتی کاموں کا سنگ بنیاد رکھیں گے۔

 بعد ازاں وہ اوپن ہاؤس سے خطاب کریں گے۔مودی 5 مارچ کو سنگاریڈی ضلع کا دورہ کریں گے۔ اس کے بعد وہ دہلی واپس ہو جائیں گے۔ دریں اثناء ریاست کے بی جے پی لیڈران آئندہ پارلیمانی انتخابات میں تلنگانہ میں زیادہ سے زیادہ نشستیں جیتنے کے مقصد سے یاترا کررہے ہیں۔

 تمام پارٹیوں سے پہلے بی جے پی نے انتخابی مہم شروع کر دی ہے اور تیزی سے کام کر رہی ہے۔بی جے پی کے لیڈران ان کے دورہ کے انتظامات میں مصروف ہیں۔