پی وی سندھو بی ڈبلیو ایف ورلڈ ٹور ٹائٹل سے محروم

کوالالمپور: سابق عالمی چمپئن پی وی سندھو اتوار کو ملائیشیا ماسٹرز 2024 بیڈمنٹن ویمنس سنگلز مقابلے کے فائنل میں چین کی دوسری سیڈ وانگ ژی یی سے شکست کھاکر خطاب جیتنے سے محروم ہوگئیں۔

آج یہاں کھیلے گئے فائنل میچ میں پانچویں سیڈ سندھو نے پہلا گیم جیتا اور اس کے بعد وانگ زی یی نے دوسرا گیم جیتا۔ اس کے بعد سندھو نے ایک گھنٹہ 28 منٹ تک جاری رہنے والے میچ کے آخری اور فیصلہ کن گیم میں اپنی حریف کو سخت مقابلہ دیا لیکن آخر میں پی وی سندھو کو وانگ زی یی کے ہاتھوں 21-16، 5-21 ، 16-21 سے شکست کا سامنا کرنا پڑا۔

سندھو نے میچ کے آغاز سے ہی دوسری سیڈ وانگ کو سخت مقابلہ دیا۔ پہلے گیم میں بریک کے بعد ہندوستانی بیڈمنٹن کھلاڑی نے برتری حاصل کرنے کے لیے تیزی سے پوائنٹس لینا شروع کیے اور مضبوط آغاز کرتے ہوئے 21-16 سے کامیابی حاصل کی۔

دوسرے گیم کے بعد سندھو نے بریک سے پہلے آٹھ پوائنٹ کی برتری حاصل کر لی۔ تاہم، وانگ زی یی نے شاندار واپسی کی اور 13-آل تک پہنچنے سے پہلے خسارے کو کم کرنے کے لیے مسلسل پانچ پوائنٹس لے لیے۔

 اس کے بعد سے چینی شٹلر نے سندھو کو واپسی کا کوئی موقع نہیں دیا اور ایک گھنٹہ 19 منٹ میں میچ جیت کر سال کا اپنا دوسرا خطاب جیت لیا۔ یہ سندھو کی وانگ کے خلاف چار میچوں میں دوسری شکست تھی۔