بارش کے سبب سردی میں اضافہ، فضائی معیار ’انتہائی خراب‘

نئی دہلی: قومی دارالحکومت دہلی میں اتوار کی صبح ہلکی بارش کے بعد سردی میں اضافہ ہوا ہے، تاہم فضائی آلودگی میں کوئی کمی نہیں آئی۔

مرکزی آلودگی کنٹرول بورڈ (سی پی سی بی) کے اعداد و شمار کے مطابق آج صبح دہلی کے بیشتر علاقوں میں فضائی معیار اشاریہ (اے کیو آئی) انتہائی خراب درجے میں برقرار رہا، جس کی بنیادی وجہ پی ایم 2.5 کی بلند سطح تھی۔

صبح تقریباً نو بجے آنند وہار میں اے کیو آئی 363 ریکارڈ کیا گیا، اس کے بعد وزیرپور میں 385، سری فورٹ میں 355، دوارکا سیکٹر 8 میں 343 اور جواہر لعل نہرو اسٹیڈیم میں 341 اے کیو آئی درج کیا گیا۔

اشوک وہار میں آلودگی کی سطح سنگین رہی اور وہاں اے کیو آئی 370 رہا، جبکہ سونیا وہار میں اے کیو آئی 383 ریکارڈ کیا گیا۔