رئیسی کی جمعرات کو مشہد میں تدفین : منصوری

تہران: ایران کے نائب صدر محسن منصوری نے کہا ہے کہ صدر ابراہیم رئیسی کی تدفین جمعرات کو شمال مشرقی شہر مشہد میں ہوگی۔

ایرانی اسٹوڈنٹس نیوز ایجنسی نے یہ اطلاع ایرانی نائب صدر کے حوالے سے دی۔

مسٹر منصوری نے کہا کہ مختلف صوبوں میں لوگوں کی سوگ کی تقریب میں شرکت کی مسلسل درخواستوں کے پیش نظر ایرانی وزارت تعلیم نے منگل سے جمعہ تک تمام طلباء کے امتحانات منسوخ کر دیے ہیں۔

ایران کے سپریم لیڈر علی خامنہ ای نے پیر کو اس واقعے پر پانچ روزہ قومی سوگ کا اعلان کیا ہے۔

صدر رئیسی اتوار کی صبح جمہوریہ آذربائیجان کے صدر الہام علییف کے ساتھ ایک ڈیم کا افتتاح کرنے کے لیے مشرقی آذربائیجان صوبے کے دورے پر تھے۔ حادثہ اس وقت پیش آیا جب صدر رئیسی واپس آرہے تھے اور گھنی دھند کے باعث ہیلی کاپٹر نے ہارڈ لینڈنگ کی۔ رئیسی کے ہیلی کاپٹر کے تمام ارکان کی موت ہوگئی۔