سی پی آئی ماؤنواز کی محاذی تنظیم سکاسا کے بانی رکن رماکانت گرفتار

حیدرآباد: سی پی آئی ماؤنواز کی محاذی تنظیم سکاسا کے بانی رکن رماکانت کو تلنگانہ پولیس نے پیر کی صبح کریم نگر ضلع کے جمی کنٹہ میں واقع ان کے مکان سے گرفتار کیا۔

رماکانت اس وقت کے سی پی آئی ایم ایل (پیپلز وار) کے سابق مرکزی کمیٹی کے رکن تھے اور محمد حسین ریاض وسدھاکر کے نام سے مشہور تھے۔

تقریباً 30 سال تک انتہا پسند جماعت میں کام کرنے والے رماکانت کو ریاست جھارکھنڈ میں گرفتار کیا گیا تھا اور اس نے 12 سال جیل میں گزارے۔

دس سال قبل، وہ صحت کی بنیاد پر ضمانت پر رہا ہواتھا اور جمی کنٹہ میں معمول کی زندگی گزار رہاتھا۔پولیس کی جانب سے گرفتاری کی وجوہات تاحال ظاہر نہیں کی گئیں۔