تلنگانہ کے نظام آبادمیں سڑک حادثہ۔پولیس کانسٹیبل ہلاک

حیدرآباد: تلنگانہ کے ضلع نظام آبادمیں پیش آئے سڑک حادثہ میں پولیس کانسٹیبل ہلاک ہوگیا۔اس کی شناخت 29سالہ کلیان نائک کے طورپر کی گئی ہے۔

پولیس نے بتایا کہ ضلع کے گرجناپلی کے رہنے والا کلیان نائک ٹی ایس ایس پی 7ویں بٹالین، ڈچپلی میں بطور کانسٹیبل کام کر رہاتھا۔ یہ حادثہ کل شب اُس وقت پیش آیا جب ایک تیز رفتار لاری اس کی بائک سے ٹکرا گئی۔

وہ ڈیوٹی کے بعد گھرواپس ہورہاتھا۔ حادثہ کے نتیجہ میں وہ موقع پر ہی ہلاک ہوگیا۔ واقعہ کی اطلاع ملتے ہی پولیس موقع پر پہنچی جس نے مقدمہ درج کرکے جانچ شروع کردی۔