تلنگانہ کے ضلع میدک میں سڑک حادثہ۔ایک شخص ہلاک،رشتہ داروں کا احتجاج

حیدرآباد: تلنگانہ کے ضلع میدک میں پیش آئے سڑک حادثہ میں ایک شخص ہلاک ہوگیا۔یہ حادثہ ضلع کی قومی شاہراہ نمبر65کے موسی نگر گاوں کے قریب اُس وقت پیش آیا جب کار نے اس شخص کی بائیک کو ٹکر دے دی۔

اس حادثہ میں رانگ روٹ پر جانے والا بائیک سوار 35سالہ وٹھل نائک ہلاک ہوگیا۔

اس حادثہ کے نتیجہ میں اس روٹ پر تقریبا آدھے گھنٹے تک ٹریفک جام رہی کیونکہ اس کے ارکان خاندان نے قومی شاہراہ پر جمع ہوکر احتجاج کیا اور مطالبہ کیا کہ جب تک انہیں انصاف نہیں ملتا لاش کو منتقل نہیں کیا جائے گا۔

اطلاع ملتے ہی پولیس وہاں پہنچی جس نے احتجاجیوں کے جذبات کو سرد کرتے ہوئے لاش کی پوسٹ مارٹم منتقلی کو یقینی بنایا۔