تلنگانہ کے ضلع رنگاریڈی میں سڑک حادثہ۔چار افراد ہلاک

حیدرآباد: تلنگانہ کے ضلع رنگاریڈی میں پیش آئے سڑک حادثہ میں چار افراد ہلاک ہوگئے۔

یہ حادثہ کل شب آدی بٹلہ پولیس اسٹیشن کے حدود کے تُرکایمجال چوراہے کے قریب اُس وقت پیش آیا جب سمنٹ کے لوڈ سے لدی لاری نے ڈی سی ایم وین کو ٹکردیدی۔

حادثہ اتنا شدید تھا کہ چار افراد موقع پر ہی ہلاک ہوگئے۔سمنٹ لوڈ کے ساتھ جانے والی لاری نے تیز رفتاری کے ساتھ پیچھے سے ڈی سی ایم وین کو ٹکر دیدی۔

اطلاع ملتے ہی پولیس وہاں پہنچی جس نے مقام حادثہ کا معائنہ کیا۔پولیس نے لاشوں کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔