حیدرآباد کے قریب سڑک حادثہ، باپ اور کمسن بیٹا ہلاک

حیدرآباد: شہر حیدرآباد کے قریب جمعہ کے روز پیش آئے ایک سڑک حادثہ میں ایک شخص اور ان کے 8سالہ کمسن فرزند ہلاک ہوگئے۔شہر کے مضافاتی علاقہ حیات نگر کے موضع کتلور کے قریب ایک بائک جس پر باپ اور بیٹا سوار تھے، ایک ٹپر ٹرک سے ٹکرا گئی۔

اس تصادم کے نتیجہ میں بائک اور ٹپر میں آگ بھڑک اٹھی جس کے نتیجہ میں بائک مکمل جل گئی جبکہ ٹپر کو جزوی نقصان پہونچا۔ مہلوکین کی شناخت40سالہ کمار اور ان کے8سالہ فرزند پردیپ کی حیثیت سے کی گئی۔

یہ، عبداللہ پور مٹ منڈل کے موضع قطب اللہ پور کے رہنے والے تھے۔ اس حادثہ میں پردیپ جل گیا جس کی وجہ سے اس کی موت ہوگئی۔ ٹپر ڈرائیور، مفرور بتایا گیا ہے۔ پولیس نے کیس درج کرتے ہوئے تحقیقات کا آغاز کردیا ہے۔