حالت نشہ میں ہنگامہ آرائی۔ بیٹے نے باپ کو ہلاک کردیا

حیدرآباد :حالت نشہ میں گھر پہنچ کر ہنگامہ آرائی کرنے پر بیٹے نے باپ کو ہلاک کردیا۔

یہ دل دہلادینے والی واردات شہر حیدرآباد کے کلثوم پورہ پولیس اسٹیشن کے حدود میں کل شب پیش آئی۔

پولیس نے بتایا کہ 42سالہ این وینکٹیش اپنے خاندان کے ساتھ کارگل نگر، کلثوم پورہ میں مقیم تھا۔

منگل کی شب وینکٹیش حالت نشہ میں گھرپہنچا اور اپنے ارکان خاندان سے جھگڑا کیاجس پر اس کے بیٹے سائی کمار نے تولیہ کا استعمال کرتے ہوئے باپ کا گلا دباکراس کو ہلاک کردیا۔

اطلاع کے ساتھ ہی پولیس وہاں پہنچی جس نے لاش کو پوسٹ مارٹم کے لئے عثمانیہ اسپتال منتقل کردیا۔پولیس نے اس سلسلہ میں ایک معاملہ درج کرکے جانچ شروع کردی۔

بتایاجاتا ہے کہ بیٹے سائی کمار کو حراست میں لے لیاگیا۔