محمد سراج اور ماہرہ شرما کی ڈیٹنگ کی افواہیں زیر گردش

حیدرآباد: اداکارہ ماہرہ شرما اور ہندوستانی ٹیم کے حیدرآبادی فاسٹ بولر محمد سراج کی ڈیٹنگ کی افواہیں گردش کرنے لگی ہیں۔ اداکارہ ماہرہ شرما اکثر سوشل میڈیا پر اپنی ثشیئر کرتی رہتی ہیں جسے ان کے مداح بھی متاثر ہوتے ہیں۔ حال ہی میں بگ باس 13 اسٹار نے انسٹاگرام پر چند تصاویر شیئر کیں جس میں وہ شاندار روایتی لباس میں پوز دیتی دکھائی دے رہی ہیں۔

ماہرہ کی تصاویر نے جہاں مداحوں کو متاثر کیا وہیں کسی اور چیز نے سب کی توجہ اپنی جانب مبذول کروالی۔ اداکارہ کی تصاویر شیئر کرنے کے فوری بعد کئی سوشل میڈیا صارفین نے یہ نوٹ کیاکہ کرکٹر محمد سراج نے بھی ماہرہ کی تصاویر کو لائک کیا ہے۔

یہ دیکھ کر صارفین حیران رہ گئے اور کہا جانے لگاکہ دونوں کے درمیان کچھ چل رہا ہے۔ تاہم ماہرہ شرما اور محمد سراج کو کبھی ایک ساتھ نہیں دکھا گیا۔ لہٰذا کرکٹر کی پسند نے شائقین کو ان کے درمیان ممکنہ تعلق کے بارے میں اور بھی دلچسپی پیدا کردی ہے۔

 رپورٹ میں مطابق ماہرہ شرما اس سے قبل پارس چھابڑا کو ڈیٹ کررہی تھیں۔ دونوں کی پہلی بار بگ باس 13 کے گھر میں ملاقات ہوئی اور پھر ان کی دوستی محبت میں بدل گئی۔

ماہرہ اور پارس 2023 میں الگ ہوگئے جبکہ اداکارہ نے انہیں انسٹاگرام پر بھی ان فالو کردیا تھا۔ بعد میں پارس نے بھی اپنے بریک اپ کی تصدیق کی اور بتایاکہ ہم ایک ہفتے سے زیادہ عرصہ سے چھوٹے موٹے مسائل پر لڑائی کے بعد ایک دوسرے سے بات نہیں کررہے ہیں۔

 انہوں نے کہاکہ میں نے کبھی نہیں سوچا تھاکہ یہ ٹوٹ پھوٹ کا باعث بنے گا۔ دریں اثناء کام کے محاذ پر ماہرہ شرما کو حال ہی میں ’تمہارے بغیر‘ کے عنوان سے ایک میوزک ویڈیو میں کام کرتے دیکھا گیا تھا۔