یوروپ

روسی صدر پوٹن نے بھی اپنے شہریوں سے زیادہ بچے پیدا کرنے کی اپیل کردی

روسی صدر ولادیمیر پوتن نے یورالز کے علاقے میں ایک ٹینک فیکٹری کے دورے کے موقع پر گفتگو کرتے ہوئے کہا ہے اگر روس کو ترقی کرتے دیکھنا چاہتے ہیں تو روسی شہریوں کو تین یا اس سے زیادہ پیدا کرنے چاہئیں ورنہ قوم کی نسلی بقا کی خاطر کم از کم دو بچے تو ضرور پیدا کرنے چاہئیں۔

ماسکو: روسی صدر ولادیمیر پوٹن نے اپنے شہریوں سے زیادہ بچے پیدا کرنے کے اپیل کرتے ہوئے کہا ہے کہ اگر انہیں ترقی کرنا ہے تو زیادہ بچے پیدا کریں۔

متعلقہ خبریں
اولاد، والدین کے لئے نعمت بھی اور ذمہ داری بھی
سپریم کورٹ جانے سے نہ گھبرائیں: چندر چوڑ
ناٹو کو یوکرین میں فوجی تعیناتی کے خلاف روسی صدر کا انتباہ
ناجائز مال میں میراث
سرد موسم اور کم عمر بچے، کچھ حفاظتی تدابیر

غیر ملکی میڈیا کے مطابق روسی صدر ولادیمیر پوتن نے یورالز کے علاقے میں ایک ٹینک فیکٹری کے دورے کے موقع پر گفتگو کرتے ہوئے کہا ہے اگر روس کو ترقی کرتے دیکھنا چاہتے ہیں تو روسی شہریوں کو تین یا اس سے زیادہ پیدا کرنے چاہئیں ورنہ قوم کی نسلی بقا کی خاطر کم از کم دو بچے تو ضرور پیدا کرنے چاہئیں۔

ان کا کہنا تھا کہ اگر ہر خاندان صرف ایک بچہ پیدا کرتا ہے تو آبادی کم ہوتی جائے گی۔ اگر روس کو اپنی شناخت محفوظ رکھنا ہے تو اس کے لیے ہر خاندان کم از کم تین بچے پیدا کرے۔

واضح رہے کہ سوویت یونین کے انہدام کے بعد روس کو دو دہائیوں تک آبادی میں بتدریج کمی کا سامنا کرنا پڑا، جو شراب نوشی جیسے دائمی مسائل کی وجہ سے بڑھ گیا۔

ریاستی شماریات بیورو کے اندازے کے مطابق، 2023 کے آغاز میں آبادی 146.4 ملین تھی، جو 20 سال پہلے تقریباً 149 ملین سے کم تاہم 2007 اور 2012 کے درمیان تقریباً 143 ملین کی کم ترین سطح سے زیادہ ہے۔

دوسری جانب تقریباً دو سال قبل یوکرین میں جنگ شروع کرنے کے بعد سے روس کو بھاری لیکن نامعلوم جانی نقصان اٹھانا پڑا ہے کیونکہ لاکھوں لوگ اس تنازع کی مخالفت یا لڑائی کے لیے بلائے جانے کے خوف سے ملک چھوڑ کر فرار ہو چکے ہیں۔