سنگارینی کالریز ٹریڈ یونین کے انتخابات 27 دسمبرکو ہوں گے

حیدرآباد: سنگارینی کالریز ٹریڈ یونین کے انتخابات معمول کے مطابق اس ماہ کی 27 تاریخ کو ہوں گے۔ چیف جسٹس تلنگانہ ہائی کورٹ کی زیرقیادت بنچ نے اکتوبر میں ہدایت دی تھی کہ انتخابات 27 دسمبر تک کروائے جائیں تاہم سنگارینی کمپنی نے انتخابات کو ایک بار پھر ملتوی کرنے کے لیے ہائی کورٹ میں عبوری درخواست دائر کی تھی۔

اس کی سماعت کرنے والی بنچ نے انتخابات ملتوی کرنے کی درخواست کو مسترد کر دیا اور قبل ازیں دیئے گئے احکامات کے مطابق انتخابات جاریہ ماہ کی 27 تاریخ کومنعقد کرنے کی ہدایت دی۔