سرپنچ نے پھانسی لگاکر خودکشی کرلی

حیدرآبا: تلنگانہ کے ضلع سنگاریڈی کے پدامبارک پور گاوں کے سرپنچ نے پھانسی لے لی۔اس سرپنچ کی شناخت 46سالہ ڈگمبر کے طورپر کی گئی ہے جو جمعرات کی صبح پھانسی سے لٹکتا ہوا پایاگیا۔

اس کے ارکان خاندان کے مطابق ڈگمبر،کچھ وقت سے صحت کے مسائل کا شکار تھا۔اس نے صحت کے مسائل کے سبب فرائض انجام نہ دے پانے کا عذر پیش کرتے ہوئے ضلع کلکٹر کو استعفی بھی پیش کردیاتھا۔

تاہم اس کے استعفی کو قبول نہیں کیاگیا تھا۔اس واقعہ کی اطلاع کے ساتھ ہی پولیس وہاں پہنچی جس نے ضابطہ کی کارروائی کے بعد لاش کو پوسٹ مارٹم کے لئے بھیج دیا۔