اسرائیلی حملہ میں 2فوجی اڈوں کو نقصان پہنچنے کی سٹلائٹ تصاویر جاری

دبئی (اے پی) اسرائیلی حملہ میں ایرانی دارالحکومت کے جنوب مغرب میں خفیہ فوجی اڈے کو نقصان پہنچا۔ ماہرین نے سابق میں اس اڈے کو تہران کے ایک وقت کے نیوکلیئر اسلحہ پروگرام سے جوڑا تھا۔

بیلسٹک میزائیل پروگرام سے جڑا ایک اور فوجی اڈہ بھی حملہ کی زد میں آیا۔ امریکی نیوز ایجنسی دی اسوسی ایڈیڈ پریس (اے پی) نے سٹلائٹ تصاویر کا اتوار کے دن تجزیہ کیا، جس سے اس بات کا پتہ چلا۔ ایران کے پرچین فوجی اڈے میں بعض عمارتوں کو نقصان پہنچا۔

انٹرنیشنل اٹامک انرجی ایجنسی (آئی اے ای اے) کو شبہ ہے کہ ایران نے ماضی میں یہاں دھماکو اشیاء کا تجربہ کیا تھا، جن سے نیوکلیئر اسلحہ چلایا جاسکتا تھا۔ ایران عرصہ سے زور دیتا رہا ہے کہ اس کا نیوکلیئر پروگرام پرامن ہے۔

ایرانی فوج نے اپنے کسی بھی فوجی اڈہ کو نقصان پہنچنے کی بات نہیں مانی ہے۔ تاہم اس نے اتناضرور کہا ہے کہ ملک کے ایرڈیفنس سسٹم میں کام کرنے والے 4 ایرانی فوجی ہلاک ہوگئے۔ اقوام متحدہ میں ایران کے مشن نے بھی کوئی فوری تبصرہ نہیں کیا۔ اسرائیلی فوج نے بھی تبصرہ سے انکار کردیا۔

Photo Source: @JewsFightBack