نہانے کے دوران خاتون کی خفیہ ویڈیو گرافی، نوجوان گرفتار

حیدرآباد: نہانے کے دوران خاتون کی خفیہ ویڈیو سل فون کے ذریعہ لینے کی کوشش کرنے والے نوجوان کو پولیس نے گرفتار کرلیا۔یہ واقعہ شہرحیدرآبا دکے ایس آرنگر پولیس اسٹیشن کے حدود میں پیش آیا۔

پولیس کے مطابق یہ خاتون اس شخص کے مکان کے قریب ہاسٹل میں مقیم ہے۔وہ جب نہانے کیلئے اندرگئی تو اس نے دیکھا کہ باتھ روم کے ایگزاسٹ فین کے قریب ایک سل فون چھپاکررکھاگیا ہے جس کے ذریعہ اس کے نہانے کی خفیہ ویڈیو لینے کی کوشش کی جارہی تھی۔

اس نے یہ کوشش کرنے والے نوجوان کو دیکھ کر چیخ وپکار کی جس پر مقامی افراد نے اس نوجوان کو پکڑلیااور اس کی پٹائی کرنے کے بعد اس کو پولیس کے حوالے کردیاگیا۔پولیس نے دیکھا کہ اس کے سل فون میں ایسی کئی ویڈیوز ہیں۔پولیس نے اس کو ریمانڈ کردیا۔