خود ساختہ جادوگر گرفتار‘ایل بی نگر پولیس کی کارروائی

حیدرآباد: ایل بی نگر پولیس نے ایک خود ساختہ جادوگر کو گرفتار کرلیا۔ پولیس ذرائع کے بموجب ایل بی نگر علاقہ میں کارتک نامی شخص کو سر درد ہورہا تھا۔

اس کی ملاقات گیانیشور سے ہوئی۔ گیانیشور نے اسے دوا دینے کی بجائے ایک روم میں لے جاکر لیمو اور ناریل سے علاج کیا۔ تاہم ڈی کارتک کو کوئی فائدہ نہیں ہوا۔

گیانیشور نے کارتک سے 50 ہزار روپے رقم بھی لی تھی۔ اس سلسلہ میں ڈی کارتک نے ایل بی نگر پولیس اسٹیشن میں شکایت درج کروائی۔

پولیس نے آج گیانیشور کے مکان پر دھاوا کرکے اسے گرفتار کرلیا اور اس کے قبضہ سے دو تعلیمی اسناد بھی ضبط کرلئے۔ مزید تحقیقات جاری ہے۔