حج کیمپ 2026 تقریب میں سینئر فوٹو جرنلسٹ روزنامہ منصف سید عمر کو “بہترین فوٹوگرافی ایوارڈ” سے نوازا گیا

حج کیمپ 2026 کی پروقار تقریبات کے دوران سینئر فوٹو جرنلسٹ روزنامہ منصف سید عمر کو ان کی شاندار فوٹوگرافی خدمات کے اعتراف میں “بہترین فوٹوگرافی ایوارڈ” سے نوازا گیا۔ یہ اعزاز تلنگانہ سے روانہ ہونے والے آخری حج قافلہ کی مکہ مکرمہ روانگی کے موقع پر منعقدہ خصوصی تقریب میں پیش کیا گیا۔

یہ ایوارڈ Syed Gulam Afzal Biyabani المعروف خسرو پاشاہ نے Haj House میں منعقدہ تقریب کے دوران سید عمر کو پیش کیا۔

تقریب کے دوران مقررین نے حج انتظامات، عازمین حج کی روانگی، روحانی مناظر اور جذباتی لمحات کو اپنے کیمرہ کی آنکھ سے خوبصورت انداز میں محفوظ کرنے پر سید عمر کی خدمات کو بھرپور خراجِ تحسین پیش کیا۔ ان کی فوٹوگرافی کو نہ صرف پیشہ ورانہ مہارت بلکہ حج کے مقدس سفر کی روحانی کیفیت کو مؤثر انداز میں اجاگر کرنے کی ایک کامیاب کوشش قرار دیا گیا۔

اس موقع پر حج کمیٹی کے عہدیداران، مختلف سماجی و مذہبی شخصیات، معزز مہمانان، عازمین حج اور ان کے افرادِ خاندان کی بڑی تعداد موجود تھی۔ تقریب میں حج 2026 کے انتظامات اور کامیاب روانگی پر بھی اطمینان کا اظہار کیا گیا۔