آندھرا پردیش میں دو تیندووں کی ہلاکت سے سنسنی، حکام کی جانچ جاری

حیدرآباد: آندھرا پردیش میں ایک افسوسناک واقعہ پیش آیا ہے جہاں دو تیندے ہلاک ہوگئے ہیں۔ اس واقعہ نے مقامی افرادمیں سنسنی پھیلا دی ہے۔

پہلا واقعہ چتور ضلع کے چندرگری منڈل کے رنگم پیٹ گاؤں میں پیش آیا جہاں کو نیرو کے قریب ایک تیندوے کی لاش ملی ہے۔ محکمہ جنگلات کے حکام کے مطابق، مرنے والا تیندوا ایک سال کا نر تھا۔

اس کے گلے اور پنجوں کے قریب شدید زخم پائے گئے ہیں۔اسی دوران ایک اور تیندوے کی لاش نیلور ضلع کے کلووائی منڈل کے چنتل آتماکور کے نزدیک ”تلگو گنگا” جنوبی نہر میں ملی ہے، جس سے علاقہ میں مزید تشویش پیدا ہوگئی ہے۔

حکام دونوں واقعات کی تحقیقات کر رہے ہیں۔ یہ جاننے کی کوشش کی جا رہی ہے کہ آیا ان تیندووں کو کسی نے مارا ہے یا وہ کسی بیماری کی وجہ سے ہلاک ہوئے ہیں۔ فی الحال ہلاک ہونے والے تیندووں کے بارے میں مکمل تفصیلات آنا باقی ہے۔